Староседелци

Староседелци или домородци се потомци на оние луѓе кои живееле во некоја земја или географски регион во времето кога пристигнале луѓе од различни култури или етнички потекло. Новите народи што пристигнале подоцна станале доминантни преку освојување, окупација, градење на населби или други начини.

Староседелците имаат силни врски со териториите и околните природни ресурси, посебен јазик, култура и верувања.

Најмалку 370 милиони луѓе кои живеат во 90 земји ширум светот се сметаат за домородци.

Староседелците на Арктикот се околу 10% од вкупното население во областа (околу 400 000). Постојат над 40 различни етнички групи, вклучувајќи ги Лапонците, кои живеат во одредени области на Финска, Шведска, Норвешка и Северозападна Русија, Ненците,   Хантите,  Евенките  и Чукчите во Русија, Алеутите, Јупиците и Инуитите (Iñupiat) на Алјаска, Инуитите  (Inuvialuit) во Канада и Инуитите (Kalaallit) во Гренланд.  Фотографија: семејство на Лапонци.