Svallægðir

Á veturna geta litlir fellibyljir myndast á norðlægum slóðum yfir hafsvæðum þar sem enginn hafís er til staðar. Fellibyljirnir eru yfirleitt um 200 til 600 km í þvermál og eru þeir öflugustu kallaðir svallægðir (polar low). Vindarnir myndast venjulega þegar heimskautaloft ferðast yfir opin hafsvæði. Þetta kalda og þurra loft, truflar lægsta lag lofthjúpsins þegar það ferðast yfir tiltölulega heit hafsvæði og myndar svallægðir.

Skammtíma veðurspár fyrir svallægðir geta verið mjög erfiðar þar sem lægðirnar myndast mjög hratt og á svæðum þar sem ekki mikið er um veðurathuganir. Skilningur á því hvernig þetta náttúrufyrirbrigði myndast er þó alltaf að verða meiri og betri og þá sérstaklega með tilkomu gervitunglsmælinga seint á áttunda áratugnum.

Minnkandi hafís opnar ný hafsvæði fyrir öfgafullu veðurkerfum eins og svalllægðum. Loftslagsbreytingar gætu því hugsanlega breytt því hvar og hvenær svallægðir myndast í framtíðinni.